Komisioni Shtetëror për Parandalim të Korrupsionit, në lidhje me lëndën me akuzat kundër kryetarit të komunës së Kumanovës, për keqpërdorim të autorizimeve të tij me shpenzimin e parave në mënyrë joligjore për nevoja personale dhe për personat e tij të afërt, të cilët nuk ishin të punësuar në komunë solli përfundim se pagesa dhe shpërndarja e mjeteve për realizimin e Programit për zhvillim të sportit dhe aktiviteteve rekreative të qytetarëve në Komunën e Kumanovës për vitin 2019 nuk është transparent. Përfundoi se është e paqartë, si janë shpërndarë mjetet në klubet sportive dhe nëse janë financuar aktivitete tjera sportive rekreative të qytetarëve, kur të gjitha mjetet janë paguar direkt në Unionin komunal të sporteve.
Lënda lidhet me personin A.K. vëllau i kushëririt të kryetarit, vullnetar në Komunë, i cili është paraqitur si i punësuar, udhëheqës i Sektorit për eurointegrime i obliguar për investime projektuese ndërsa njëkohësisht ka qenë kryetar i Klubit të basketbollit – Kumanovë, i financuar nga Unioni i sporteve, që është përfshirë me Programin për sport në buxhetin e Komunës së Kumanovës.
Sipas KSHPK-së nuk është e qartë dhe a është sjellur program për vullnetarë.
“Konstatohet se bëhet fjalë për menaxhim jo të mirë dhe diskrecion i zbatuar në mënyrë jo të duhur nga ana e kryetarit të komunës për shkak të asaj që është kërkuar të veprojnë edhe trupa tjerë kompetent”, tha Nuri Bajrami”, anëtar i KSHPK-së.
Ai mes tjerash informon se kryetari i komunës së Kumanovës nuk ka dorëzuar kopje nga vendimet e Këshillit dhe vendime për mbarim të buxhetit gjatë shpërndarjes së mjeteve për klubet sportive të sjellura në vitin 2019, që ishte kërkuar nga KSHPK-ja. Ka sqaruar se programi dhe ndryshimet janë sjellur nga Këshilli dhe nga mjetet e parashikuara në vlerë prej 13 e gjysmë milion denarë, 13 milion denarë në vitin 2019 direkt janë paguar në Unionin komunal të sporteve, por siç tha Bajrami, nuk ka dorëzuar kurrfarë dëshmie për shpërndarjen e mjeteve të paguara nga ana e Unionit dhe sa mjete ka marrë klubi i basketbollit në Kumanovë.
