Ish-drejtori i DSK-së, Sasho Mijallkov, i akuzuar në rastin “Thesari”, sipas mbrojtjes së tij, në korrik të vitit 2010 në Londër nuk ka kontraktuar blerjen e pajisjeve për nevojat e DSK-së.
“Nuk është e vërtetë që Mijallkov nga 7.7.2010 – 9.7.2010 në Londër ka kontraktuar me kompaninë GAMA për çfarëdo pajisje të DSK-së në MPB. E gjithë akuza është konstruksion”, deklaroi avokati Petar Vasilev.
Për momentin, po jepen fjalët e fundit në Gjykatën Penale të Shkupit nga avokatët e të pandehurve në rastin “Thesari”.
I akuzuari i parë në “Thesari” është ish-drejtori i DSK-së, Sasho Mijallkov, si dhe ish-shefi i kabinetit të tij Toni Jakimovski, ish-ndihmësi i ministrit në MPB, Nebojsha Stajkoviq dhe ish-shefi i Drejtorisë së Pestë pranë Ministrisë së Punëve të Brendshme, Goran Grujevski. Tre ngarkohen për shpërdorim të detyrës dhe autoritetit zyrtar”, ndërsa Toni Jakimovski për ndihmë.
Në fjalën e saj përfundimtare, Prokuroria tha se në vend që MPB-ja të bënte një prokurim të drejtpërdrejtë të pajisjeve të komunikimit elektronik për nevojat e Drejtorisë së Pestë pranë DSK-së nga kompania GAMA nga Britania e Madhe, si mënyrë më ekonomike, ata ranë dakord të prokuronin përmes një kompanie tjetër – ndërmjetësi Finzi SHPKP Shkup me çka kanë arritur të keqpërdorë fondet nga Buxheti i shtetit.
Sipas aktakuzës, mbi 860 mijë euro janë keqpërdorur në këtë rast.
