Presidenti Stevo Pendarovski mori pjesë në seancën e rregullt të Shtabit kryesor koordinues të krizave ku u shqyrtuan situata e fundit në vend e shkaktuar nga pandemia dhe u shkëmbyen informacione dhe mendime për masat aktuale për të parandaluar dhe përhapur virusin Kovid- 19.
Siç informojnë nga Kabineti i tij, në seancë ministrat dikastrial dhe përfaqësuesit e institucioneve kompetente informuan për aktivitetet aktuale, për masat e ndërmarra dhe efektet e zbatimit të tyre.
Presidenti Pendarovski theksoi që të gjitha institucionet kompetente duhet të vazhdojnë me përkushtim maksimal dhe në mënyrë të koordinuar ta përcjellin situatën epidemiologjike dhe nëse ka nevojë të merren parasysh mundësitë për plotësimin e masave.
Ai posaçërisht theksoi që derisa të krijohen kushtet për imunizim masiv të popullatës, qytetarët duhet të vazhdojnë me sjellje të ndërgjegjshme dhe të përgjegjshme dhe t’i respektojnë masat parandaluese për mbrojtjen nga virusi.
