Regjistrimi është operacioni më masiv, më i gjerë, më i besueshëm statistikor dhe aspak politik, i cili është një tregues i rëndësishëm i situatës në të cilën ndodhet popullata, beson Ministrja e Punës dhe Politikës Sociale, Jagoda Shahpaska. Këto të dhëna nga regjistrimi, thekson, janë të nevojshme që të mund Qeveria por edhe Ministria me të cilën udhëheq të krijojnë politika që do t’i përgjigjen nevojave të qytetarëve.
“Regjistrimi është operacion statistikor, jo një çështje politike. Ne si vend 20 vjet nuk kemi të dhëna themelore që na nevojiten, neve si Qeveri, ndërsa veçanërisht si Ministri e Punës dhe Politikës Sociale. Gjatë krijimit të politikave tona dhe miratimit të zgjedhjeve ligjore dhe miratimit të vendime që duhet t’i plotësojnë nevojat e qytetarëve, ju duhet ta njihni strukturën e qytetarëve. Ajo që ka rëndësi për ne është numri i të punësuarve, sa është niveli i papunësisë, sa është përqindja e grave të përfshira në tregun e punës, a është përqindja e familjeve me një prind, sa janë shfrytëzues të ndihmës minimale, sa prej tyre janë të aftë të angazhohen aktivisht në tregun e punës”, tha Shahpaska.
Ajo është e bindur se duke i respektuar protokollet për mbrojtje nga pandemia, regjistrimi nuk është asgjë më e rrezikshme se aktivitetet tona të përditshme, shkuarja në punë, blerja e ushqimit, shkuarja te mjeku.
“Të gjithë regjistruesit që kalojnë në trajnimin e rregullt me të cilin duhet të trajnohen se si ta kryejnë regjistrimin sigurisht që kanë trajnim shtesë në pjesën e protokolleve dhe masave mbrojtëse – të mbajnë maskë mbrojtëse, vizor, dezinfektues, të mbajnë doreza. Në atë mënyrë, duke e mbrojtur veten e tyre, gjithashtu i mbrojnë qytetarët që shkojnë në regjistrim, tha Ministrja Shahpaska pas vizitës së Qendrës ditore për personat me aftësi të kufizuara në Berovë.
