Pas panel diskutimit në Shtip, në hartën e CIVILit gjendet edhe Gostivari. “Regjistrimi: Statistikë, jo politikë” është titulli i panelit që do të mbahet në Gostivar, sot, 11 mars në ora 16, në ambientet e Komunës së Gostivarit.
Në pajtim me masat për mbrojtje nga Kovid-19, paneli do të mbahjet pa public, por do të transmetohet drejtpërdrejt në Fejsbuk faqen e CIVILit, ndërsa përmbajtjet nga paneli do të botohen në platformën mediatike të organizatës në gjuhën maqedonase, shqipe dhe angleze. Video artikuj do të publikohen në YouTube kanalin e CIVILit. Si zakonisht, redaksitë që bashkëpunojnë me CIVILin janë të ftuara të marrin përmbajtje mediatike me atribuimet e duhura.
Në fokusin e panelit është nevoja për ndarjen e politikës nga statistika, sepse regjistrimi është pikërisht kjo – operacion statistik, dhe jo poligon për përleshje etno-politike, Për opinionin është me rëndësi të dëgjohen qëndrimet e pjesëmarrësve panelistë nga Gostivari të cilëve, mes tjerash do t’u jepet hapësirë të ndajnë edhe disa informata themelore për përgatitjet për regjistrimin, si dhe kuptimin e zhvillimit të komunave, ekonomisë dhe ndërtimit të politikave dhe praktikave në nivel lokal dhe nacional.
Pjesëmarrës në panelin do të jenë Arben Taravari, kryetar i komunës së Gostivarit, Besim Memedi – kryetar i këshillit, Zoran Angellov, koordinator i grupit këshillues të LSDM, Marjan Siljanovski, këshilltar nga VMRO-DPMNE, dhe Kashmir Saliu, këshilltar nga DSR. Moderator i panelit është Xhabir Deralla nga CIVILi.
Paneli do të zgjasë rreth një orë e gjysmë. Gjatë diskutimit, ekipi I CIVILit do tindjek reagimet dhe pyetjet në rrjetet sociale dhe një pjesë nga ato do t’I transmetojë te pjesëmarrësit në panel.
Ngjarja është pjesë e projektit “Objektivi qytetar”, I financuar nga National Endowment for Democracy nga SHBA.
