Ministri i Shëndetësisë, Venko Filipçe pas propozimit të Komisionit për sëmundje ngjitëse sot në Shtabin kryesor koordinues të krizës ka propozuar vënien e orës policore nga ora 22 e mbrëmjes deri në orën 05 të mëngjesit në territorin e mbarë vendit. Komisioni duhet të deklarohet nga cila ditë të fillojë ora policore dhe deri kur të zgjasë e njëjta, ka njoftuar Ministria e Shëndetësisë (MSH).
Ministri ka shpjeguar se ky propozim i Komisionit, madje është për shkak se javën e kaluar më shumë të infektuar ka për shkak të transmetimit të virusit përmes tubimeve, por edhe nga mosrespektimi i masave të vendosura për mbajtje të pajisjes mbrojtëse, mbajtjes së distancës dhe mosgrupimit.
Analizat e Komisionit kanë vërtetuar se për shkak të mosrespektimit të masave do të ketë raste të reja të të infektuarve, por edhe numër të madh të të hospitalizuarve. Nga kjo arsye, Komisioni konsideron se një masë e tillë rigoroze do të ketë efekt. Qeveria në mbledhjen e nesërme do të duhet të prononcohet për propozimin e MSH-së dhe Komisionit të sëmundjeve ngjitëse, qëndron në komunikatë.
