Me rastin e protestave të paralajmëruara pas gjykimit të për të akuzuarit në rastin “Monstra”, CIVILi drejton thirrje të fuqishme deri te pjesëmarrësit, të protestojnë qetë dhe me dinjitet, t’u përmbahen protokolleve për mbrojtje nga Kovid-19, të mos bëhen pre e provokimeve eventuale dhe t’i shmangen çdo lloji të sjelljes së dhunshme.
CIVILi u bën thirrje organeve të rendit publik, gjatë protestave ta kryejnë detyrën e tyre fisnike të ruajtësve të rendit dhe qetësisë publike, të mos lejojnë provokime eventuale të përshkallëzohen në dhunë, nga cila do anë, dhe të jenë në maje të detyrës së tyre, më së miri që mundet.
CIVILi u bën thirrje politikanëve, mediave dhe grupeve që gjenerojnë përmbajtje onlajn në rrjetet sociale, të mos përhapin lajme të rreme dhe gjuhë të urrejtjes, ndërsa nevojën e tyre për përfitim politik ta kënaqin në ndonjë rast tjetër.
Protesta është e drejtë e garantuar me Kushtetutë për të gjithë qytetaret dhe qytetarët e Republikës së Maqedonisë së Veriut, dhe me këtë të drejtë, qytetarëve u mundësohet t’i shprehin pakënaqësitë e tyre para subjekteve të interesit, dhe si i tillë, duhet të respektohet, si nga publiku më i gjerë, ashtu edhe nga organet shtetërore, por, para së gjithash, nga organizatorët dhe pjesëmarrësit e protestave.
CIVILi me vëmendje i ndjek të gjitha protestat qytetare, dhe i porosit të gjitha palët e prekura të jenë dinjitozë në synimet dhe detyrat e tyre.
