Kryetari i Komunës së Gostivarit, Dr. Arben Taravari në Konferencën e CIVIL-it “Perspektivat 2021” me pikëpamjet e tij mbi krizën e shkaktuar nga pandemia me Kovid-19 për vitin e ardhshëm.
Ne patëm një vit relativisht të vështirë me një pandemi që ishte e papritur jo vetëm për ne, por për të gjithë botën, dhe nga fundi i shkurtit deri në fillim të marsit kur u shpall pandemia, kjo praktikisht shkaktoi probleme të mëdha për vendin tonë, qytetin tonë dhe të gjithë Evropën dhe gjithë botën. Kaluam një periudhë të vështirë, për sa i përket shëndetit, veçanërisht në vendin tonë ku kemi një sistem shëndetësor siç e kemi, dhe shumica prej nesh e kemi ndjerë atë në lëkurën tonë, dhe kemi paguar relativisht shtrenjtë, edhe me jeta njerëzore. Por kaq, disa gjëra thjesht nuk varen nga ne. Shumica e qytetarëve kontribuan duke respektuar masat e rekomanduara nga institucionet kompetente, tani jemi në fund të pandemisë, shpresoj, për shkak se shihet drita në fund të tunelit, kjo është vaksina që po përgatitet për vitin e ardhshëm… Shpresoj që tashmë në muajt e para të vitit 2021 vaksinimi do të fillojë edhe në Maqedoni.
E gjithë kjo shkakton pasoja ekonomike, edhe në komunat, edhe në shtet, edhe për Qeverinë dhe ministritë, edhe për funksionimin e përgjithshëm të shoqërisë. Unë mendoj se tani, si kurrë më parë, duhet të jemi të bashkuar, të jemi së bashku të gjithë, pavarësisht nga përkatësia etnike, partiake ose çfarëdo përkatësie, sepse kjo është një periudhë vërtet e vështirë, gjëra të tilla ndodhin një herë në njëqind vjet… Dhe për këtë arsye, mendoj se të gjithë duhet të tregojmë fleksibilitet ndaj njëri-tjetrit për ta kaluar këtë krizë.
Sipas ekspertëve profesionistë, parashikimet janë që në gjysmën e parë të vitit 2021, mbase nga qershori mund do të jemi edhe pa maska, pa një situatë krize, se do të kthehemi në jetën normale, dhe kjo normalisht ka pasoja në operacionet financiare dhe në funksionimin e institucioneve të sistemit. Shumica e njerëzve janë të frikësuar, ne tashmë po përjetojmë pasojat ekonomike, tha Taravari, duke treguar rritjen e huamarrjes gjatë krizës pandemike në të dy nivelet bashkiake dhe shtetërore, si dhe globalisht.
D.Tahiri
Kamera: Atanas Petrovski
Montazhi: Arian Mehmeti
