Konceptin e ri për arsim fillor që e paralajmëroi Ministria e Arsimit dhe Shkencës, ndërsa me të cilin parashikohet bashkimi i lëndëve historia me gjeografinë dhe shoqëria civile, dhe biologjia me fizikën dhe kiminë ditëve të fundit ka shkaktuar reagime në opinion. Për këtë qëllim, dje Ministria e Arsimit dhe Shkencës (MASH) përmes prezantimit i shpjegoi një pjesë të kujdesit që i kanë qytetarët, mësimdhënësit, prindërit dhe nxënësit lidhur me konceptin e ri.
Vendosja e lëndës mësimore shkencat shoqërore nuk do të thotë se tërhiqet lënda mësimore histori, por përmbajtjet prej saj mbesin pjesë e detyrueshme nga programi mësimor i integruar.
Përmes integrimit të përmbajtjeve nga historia, arsim qytetar dhe gjeografi, mësimdhënësit në këto lëndë vazhdojnë të punojnë në shkollë, por tani së bashku e planifikojnë mësimin, i lidhin dukuritë dhe proceset shoqërore, ndërsa nxënësit i mësojnë nga perspektiva të ndryshme. Gjithashtu, koncepti për arsimin fillor e jep “kornizën” sipas së cilës planifikohet arsimi fillor dhe dokumenti nuk i fshin përmbajtjet nga lëndët mësimore, por as nuk parashikon ndërrimin e përmbajtjeve nga lënda e historisë.
Zhvillimi i programeve mësimore individuale do ta ndjekë në zhvillimin dhe pranimin e Konceptit. Programet mësimore do të hartohen nga mësimdhënës, profesorë universitarë dhe këshilltarë nga Byroja për Zhvillimin e Arsimit.
Sipas MASH-it, programet mësimore të integruara ndikojnë pozitivisht në arritjet e nxënësve dhe i mundësojnë ta shfrytëzojnë atë që e kanë mësuar edhe jashtë kufijve të lëndës së caktuar, ta shfrytëzojnë njohurinë e tyre në mënyrë krijuese dhe të zhvillojnë të menduarit kritik dhe strategjitë efektive për mësim.
Ata sigurojnë koncepti për arsim fillor nuk e përcakton numrin e mësimdhënësve. Analizat e realizuara tregojnë se të gjithë mësimdhënësit mbeten në punë, sepse numri i përgjithshëm i orëve në planin mësimor nuk është zvogëluar.
Me lëndët e parapara zgjedhore, mësimdhënësit kanë liri dhe mundësi që të shfrytëzojnë kreativitetin e tyre në përgatitjen e programeve mësimore për lëndët zgjedhore, sipas interesave dhe kërkesave të nxënësve.
Hulumtime të shumta tregojnë se programet mësimore të integruara i ndihmojnë nxënësve t’i vërejnë lidhjet midis dukurive të ndryshme natyrore dhe / ose shoqërore, ta lidhin atë që e mësojnë me jetën e përditshme dhe të zhvillojnë aftësitë për mësim gjatë gjithë jetës.
Qëllimi i Qeverisë, siç theksoi dje kryeministri Zoran Zaev, nuk është që të hiqen lëndët histori, gjeografi, fizikë apo biologji në arsim.
“Shkrirja do të thotë efikasitet, ulje e përmbajtjeve mësimore të cilat janë tepricë de nuk u nevojiten nxënësve me qëllim që të marrin mundësi shtesë për veprimtari shoqërore dhe sociale në suaza të kohës të cilën e kalojnë në shkollë, theksoi kryeministri Zoran Zaev.
Ai theksoi se nuk do të përshpejtohet me këtë reformë, edhe pse, siç tha, ajo është e rëndësishme dhe duhet të fillojë sa më parë. Kryeministri theksoi se do të dëgjohen me kujdes sugjerimet nga të gjitha palët e prekura.
“Këtu është edhe opinioni i ekspertëve, këtu janë universitetet, këtu janë mësimdhënësit, profesorët, por edhe shërbimet profesionale nga MASH-i, Byroja për zhvillim të arsimit, Shërbimi pedagogjik dhe të gjitha institucionet relevante për këtë çështje”, tha Zaev.
