Zëvendëskryetari i Qeverisë për Çështje Evropiane, Nikolla Dimitrov këtë mëngjes mori pjesë në mbledhje me eurokomisarin për zgjerim Oliver Varheji, në të cilën së bashku me kolegët e rajonit shkëmbyen informacione për gjendjen dhe gatishmërinë e prokurimit të vaksinave kundër KOVID-19, si dhe për planet për realizimin e vaksinimit të grupeve prioritare.
Siç ka njoftuar SÇE, eurokomisari Varheji informoi se Komisioni Evropian bën përpjekje që vaksinat kundër KOVID-19 të arrijnë në vendet e Ballkanit Perëndimor paralelisht me shpërndarjen e tyre në vendet anëtare të BE-së. Ai theksoi se për nevojat specifike të secilit nga vendet e rajonit, do të sigurohet edhe mbështetja e përshtatshme nga ana e Unionit.
“Në periudhën kur prokurimi i vaksinës paraqet prioritet kryesor, kjo iniciativë e Bashkimit Evropian është e rëndësisë së veçantë. Fakti që këto vaksina do të jenë të parat të cilat Maqedonia e Veriut do ti ketë në dispozicion është sinjal i qartë që Ballkani Perëndimor është pjesë e domosdoshme e politikave dhe solidaritetit të Unionit, në moment kua ajo është më e nevojshme”, theksoi Dimitrov.
Ai tha se në mënyrë aktive punohet në Planin për vaksinim i bazuar në rekomandimet e BE-së e cila në bazë të më shumë kritereve do ti definojë grupet prioritare.
“Finalizohet analiza e krupeve prioritare dhe vlerësohet numri i pacientëve të cilët do të vaksinohen të parët. Ky plan do të ndahet edhe me eurokomisarin Varheji në ditët në vijim”, tha ai.
Ndryshe, Dimitrovi në takim informoi komisionarin Varheji edhe për gatishmërinë e sistemit shëndetësor për testim dhe zbatimin e imunizimit me vaksinat kundër KOVID-19.
