Gjithnjë e më shumë fëmijë vijnë në kopshte për fëmijë dhe nuk ka nevojë për mbyllje të tyre për shkak të pandemisë me Kovid-19, tha ministrja e Punës dhe Politikës Sociale, Jagoda Shahpaska në fshatin Bërvencvë të Tetovës, ku u lëshua në përdorim kopshti i sapondërtuar për fëmijë “Dielli”. Sipas saj, tani disa javë ka trend të rritjes së numrit të fëmijëve, të cilët shkojnë në kopshte për fëmijë.
“Nuk janë planifikuar mbyllje të kopshteve për fëmijë. Në raportin e fundit javor, që e referova para shtabit të krizës, si çdo të hëne, kemi tendencë të rënies së numrit, si të të punësuarve, ashtu edhe të fëmijëve të sapoinfektuar. Ky trend është kështu e treta javë me radhë, do të thotë kemi më pak se javën paraprake. Më i madh është numri i fëmijëve të cilët kthehen në kopshtet për fëmijë. Për një javë, rreth 500 fëmijë janë kthyer nga izolimi në kopshtet për fëmijë. Numri i fëmijëve në kopshte për fëmijë është më shumë se 10.000, respektivisht 10.150, ndërsa ishte 9.500”, tha Jagoda Shahpaska.
Në pyetje të gazetarëve nëse ka shkresë nga Ministria për ndryshimin e kohës së punës me rekomandime për rritjen e kohës së punës për të punësuarit në kopshtet për fëmijë, Shahpaska me përgjigje se një gjë e tillë nuk u dërgua.
Ajo tha se drejtorët e kopshteve për fëmijë e organizojnë kohën e punës për të punësuarit dhe tërë kjo është në pajtim me ligjin dhe marrëveshjen kolektive.
