Me vendimet e dy gjykatave administrative në Republikën e Maqedonisë së Veriut u fuqizua padia jonë dhe u anulua vendimi i Komisionit Shtetëror për vendosje në procedurën administrative dhe procedurën e marrëdhënies së punës në shkallën e dytë, informon Euromaks Resources SHPK Shkup.
Kryetari ekzekutiv i Bordit të Drejtorëve të Euromaks Resources, Tim Morgan – Vajni (Tim Morgan – Wynne) thotë se vendimi i Gjykatës së Lartë Administrative dhe fuqizimi i vendimit të Gjykatës Administrative krijojnë siguri të re ligjore për të ardhmen e projektit “Ilovica – Shtuka”.
“Tani ne presim që në bashkëpunim konstruktiv dhe efikas me Qeverinë dhe të gjitha institucionet përkatëse ta rinovojmë dhe përshpejtojmë procesin e sigurimit të të gjitha aprovimeve dhe licencave të nevojshme. Kështu, në kohën më të shkurtër të mundshme, ne do të jemi në gjendje të fillojmë me realizimin e investimit tonë kapital”, tha Morgan-Vajni.
Kryetari dhe drejtori ekzekutiv, Nikolas Treand (Nicolas Treand) thekson se në mesin e pasojave ekonomike negative të shkaktuara nga lufta e zgjatur me pandeminë Kovid-19, investimi i Euromaks Resources prej mbi 400 milionë euro, krijimi i nevojës për rreth 600 pozicione pune direkte dhe rreth 2700 pozicione pune indirekte te partnerët lokalë të biznesit, padyshim që do të ofrojnë dhe sigurojnë mundësi të mëdha për ringjalljen dhe zhvillimin e shpejtë të ekonomisë në nivelin lokal dhe kombëtar.
Kompania Euromaks Resources SHPK Shkup dhe Projekti “Ilovica-Shtuka” janë 100 për qind në pronësi të Euromaks Resources Limited, një kompani kanadeze e regjistruar në Vankuver, Kanada, e cila është e listuar publikisht në Bursën për letra me vlerë në Toronto. Kështu është që nga viti 2012 dhe projekti asnjëherë nuk është shitur ose dorëzuar në kompani tjetër në vitet e kaluara.
