Kjo krizë jo vetëm që na jep një sfidë të tillë për trajtim të pacientëve me Kovid-19, por jep edhe disa specifika tjera, të cilat gjithnjë e më shumë dalin në dritë. Njëherit, është e dukshme se stresi e bën të veten, se kjo që duhet të jemi në ndonjë mënyrë në distancë fizike, që është tërësisht në kundërshtim me atë që është evolucion i njerëzimit na mëson, ndërsa ajo është bashkësia, dhe izolimi gjatë karantinave të gjata, sipas rezultateve të Klinikës për psikiatri , rezultuan me numër të rritur të rasteve të dhunës familjare.
Këtë sot me rastin e 25 nëntorit, Ditës ndërkombëtare kundër dhunës ndaj grave, e theksoi ministri i Shëndetësisë Venko Filipçe. Ai tha se në Klinikën për psikiatri çdo ditë regjistrohen raste të dhunës familjare, ndërsa ambulanta e saj onlajn është e mbingarkuar me thirrje dhe ajo zgjat nga marsi kur filloi kriza.
“Kolegët janë fuqishëm të përkushtuar në këtë çështje, i zgjidhin problemet dhe i rrisin ekipet të cilat dalin gjatë viktimave të dhunës”, ka potencuar Filipçe dhe shtoi se diku rreth 30 për qind është rritja në krahasim me periudhën e njëjtë të vitit 2019. Edhe më parë, para krizës Kovid-19 në një proces inkluziv, në bashkëpunim me të gjitha institucionet dhe të gjitha organizatat qytetare u hapën tre qendra për trajtim të viktimave të dhunës në klinikën gjinekologjike-akusherike, në spitalet në Tetovë dhe Kumanovë. Këto janë Qendra të cilat tërësisht janë pajisur nga aspekti mjekësor. Punojnë ekipe të gjinekologëve, psikologëve, punonjësve social, të cilët janë në thirrje 24 orë dhe ekspertë nga fusha e mjekësisë gjyqësore. Një nga sfidat më të mëdha me të cilat punonjësit shëndetësor përballen është gratë të cilat paraqiten në kontroll praktikisht ta pranojnë atë”, tha Filipçe.
Sipas tij, duhet shumë aftësi për qasjen, në bisedë, sepse në një numër të madh të rasteve ende për fat të keq ekziston frikë.
“Ky është proces të cilin planifikojmë ta vazhdojmë. Kjo krizë anuloi projekte, plane, megjithatë planifikojmë qendra të tilla të ketë veçanërisht në spitalet e mëdha përreth shtetit. Gratë e dinë se ku mund të drejtohen, janë të sigurta se mund të marrin ndihmë adekuate profesionale, ndërsa ne të gjtihë së bashku të punojmë në ngritjen e vetëdijes, së bashku, institucionet, mediumet, organizatat qytetare me qëllim që raste të tilla të ketë sa më pak”, shtoi Filipçe.
