Pas tërheqjes së të të gjithë fëmijëve më të rinj se 18 vjet nga institucionet e mëdha për përkujdesje, procesi i deinstitucionalizimit vazhdon, paralajmëroi ministrja e Punës dhe Politikës Sociale Jagoda Shahpaska. Deri në fund të nëntorit të këtij viti pritet të hapen katër shtëpi të reja në grupe të vogla në të cilat do të akomodohen persona të cilat do të nxirren nga institucionet.
“Si Ministri ne vazhdojmë procesin e deinstitucionalizimit dhe presim deri në fund të nëntorit të hapen edhe katër shtëpi në të cilat sërish do të akomodohen njerëz, fëmijë tanë, qytetarë të cilët do t’i nxjerrim nga institucionet.Ashtu që, ky tregim i suksessshëm, kjo reformë në mënyrën e përkujdesit për qytetarët tanë më të rinj vazhdon edhe në periudhën që na pret”, tha ministrja Shapaska.
Ajo përkujtoi se në periudhën e kaluar deinstitucionalizimi është kryer për të gjithë fëmijët të cilt janë më të rinj se 18 vjet.
Sipas saj, thelbi i këtij procesi është kjo që shtëpitë e vogla grupore janë një hap më pranë familjeve biologjike normale dhe shtëpitë në të cilat jetojnë fëmijët, nëse familja e tyre është funksionale.
Prej këtu, shton ajo, këto shtëpi të vogla grupore të cilat punojnë këtu paraqesin mbështetje shumë më të madhe për fëmijët të cilët vijnë nga familje të tilla. Për personat e akomoduar në shtëpi të vogla grupore, theksoi ajo, kujdesen punonjës profesional, psikologë, pedagogë, punonjës socialë, defektologë, gjegjësisht kuadër i cili mundet t’u ndihmojë fëmijëve të ndërtohen në personalitet të vërteta.
