Pohimet dhe deklaratat që përmbajnë ofendime nuk çojnë në miqësi të vërtetë. Miqësia është rrugë dykahëshe dhe më së shumti varet nga vetë ne, nga respektimi ynë i vlerave evropiane dhe parimet. Marrëveshja për fqinjësi të mirë është reflektim i respektimit të ndërsjellë dhe miqësisë, dhe nënkupton e kërkon përgjegjësi e pjesëmarrje nga të dy anët.
Këtë sot në konferencën për shtyp e deklaroi kryeministri Zoran Zaev, me rastin e memorandumit që Bullgaria e dërgoi deri te vendet-anëtare të BE-së, në të cilin diskutohen identiteti kombëtar maqedonas dhe gjuha maqedonase.
Zaev thotë se Qeveria mbetet miqësore ndaj Bullgarisë fqinje.
“Marrëveshja për miqësi, fqinjësi të mirë dhe bashkëpunim me Bullgarinë krijon korrnizë juridike dhe me të vërtetë ofron instrumente për menaxhim të çështjeve bilaterale dhe ne jemi të përkushtuar në implementimin e tyre në këtë Marrëveshje. Me Bullgarinë jemi aleatë në NATO, kemi obligime të përbashkëta dhe detyrë që t’i përmirësojmë marrëdhëniet e mira fqinjësore dhe bashkëpunimin e ndërsjellë dhe të ndërtojmë miqësi”, nënvizoi Zaev.
Përsëriti se e drejta e vetpërcaktimit dhe vetidentifikimit janë vlera themelore evropiane dhe përfitime civilizuese.
Kryeministri theksoi se Qeveria do të vazhdojë në frymën miqësore dhe do të mbetet e kujdeshme në të gjithë rrëfimin, duke shfaqur shpresë se ekziston vendim nga i cili të dy palët do të dalin fitimtarë, si dhe bindje se edhe pala bullgare është pikërisht në atë drejtim dhe se i mbështet vlerat evropiane.
“Sigurisht që jemi të informuar, kur arrijnë informata deri te Komisioni Evropian. Presim seancë të parë ndërqeveritare në fund të vitit, deri atëherë me Bulgarinë miqësore kemi organizim të përbashkët, gjegjësisht jemi nikoqirë të procesit berlinas. Besoj se në gjithë këtë periudhë do të vazhdojnë bisedat, nga komisioni vazhdojnë, por do të vazhdojnë edhe nga politika, për gjetjen e zgjidhjes”, thotë Zaev.
Theksoi se Goce Dellçevi është personaliteti i gjashtë historik për të cilin duhet të bisedohet, përderisa çështjet e identitetit duhet të jenë jashtë çdo bisede.
Zaev përsëriti se qëndrimi i Qeverisë mbetet i kujdesshëm dhe me orientim ndaj miqësisë, duke shtuar se në atë mënyrë definitivisht do të arrijmë edhe më tutje të krijojmë atmosferë në të cilën do të gjejmë zgjidhje që do të sjellin gjëra të mira për të dy palët.
Në lidhje me propozimin e VMRO-DPMNE-së, në Kuvend, të sillet deklaratë, si kontra përgjigje e Kuvendit popullor bullgar, në të cilën identiteti i popullit të Maqedonisë, veçantia e gjuhës maqedonase dhe të gjitha shënimet tjera kulturore dhe kombëtare mund të konfirmohen së bashku”, Zaev thotë se personalisht konsideron se Kuvendi nuk duhet të sjellë rezoluta të tilla.
Në gjashtë faqe me arsyetime të gjata historike për “ideologji antibullgare shtetërore” në Maqedoninë e Veriut, Bullgaria dërgoi memorandum sqarues deri te vendet-anëtare në vigjilje të vendimit për fillim të negociatave me Unionin. Sofja zyrtare kërkon mbështetje prej tyre për pozitën në lidhje me identitetin dhe gjuhën maqedonase.
Sofja thekson se vendet kandidate nuk duhet të futin konteste të hapura në BE, dhe konsideron se mospajtimet me Shkupin paraqesin konflikt jo të zgjedhur i cili “mundet gjatë anëtarësimit të Maqedonisë së Veriut negativisht të ndikojë mbi sjelljen e vendimeve në BE”.
Mes tjerash në dokumentin në gjashtë faqe në të cilat gjatë sqarohen tezat e tyre për origjinën e gjuhës dhe kombit maqedonas, citohet edhe se maqedonasit janë projekt i ish liderit jugosllav Josip Broz Tito, se gjuha maqedonase është normë e asaj bullgare dhe nuk ka ekzistuar deri më 2 Gusht të vitit 1944.
