Kategoritë

KARVANI I GJELBËR Deralla: Vlerat e gjelbra janë alternativa e vetme për shoqërinë dhe shtetin

Në ditën e parë të Karvanit të gjelbër CIVIL-it, i cili filloi dje në ora 11 paradite nga Sheshi i Lirisë në Shkup, Presidenti i CIVIL-it Xhabir Deralla iu drejtua publikut dhe mbështetësve të organizatës me mesazhe rreth vlerave të gjelbra.

– CIVIL-i është një organizatë që nuk ekzagjëron me skena të mëdha, me ndriçime të fuqishme, por është një organizatë e lëvizshme që është vazhdimisht në një farë lëvizshmërie, veprimtarie… Sot është fillimi i Karvanit të gjelbër, ne e fillojmë atë simbolikisht në Sheshin e Lirisë në Shkup, megjithatë, do të jetë një seri aktivitetesh që do të zhvillohen në tërë vendin.

Kjo është një nismë që kemi filluar një kohë të gjatë para kësaj ngjarjeje, mund të themi ka pesë vjet të mira më parë, kur filluam me aktivitete që po forcojnë mandatin tonë si një organizatë që qëndron për vlerat evropiane dhe të gjelbra. Për njëzet vjet, vlerat e gjelbra kanë qenë pjesë e përpjekjeve tona, për sa kohë që ekziston vetë organizata, natyrisht, ky është një veprim tjetër i madh i CIVIL-it për të hyrë në komunikim të drejtpërdrejtë me qytetarët.

Karvani i gjelbër i CIVIL-it do të promovojë vlerat e gjelbra, vlerat evropiane, drejtësinë sociale dhe anti-nacionalizmin. Për shkak se pozicioni ynë është që përkushtimi ndaj vlerave të gjelbërta, që natyrisht përfshin mbrojtjen e mjedisit, nuk mjafton për të qenë vetëm një mbështetës i rrugëve të pastra dhe gjërave të ngjashme, ose higjienës komunale. Vlerat e gjelbra mund të praktikohen vetëm në unitet, me respektimin e të drejtave dhe lirive të njeriut, dinjitetin, në unitetin e respektit për të gjitha aspektet e drejtësisë shoqërore, dhe natyrisht respektin dhe veprimtarinë në fushën e integrimit të shoqërisë. Anti-nacionalizmi është një nga idetë kryesore, një nga tre idetë kryesore me të cilat jemi ballafaquar për një kohë të gjatë dhe Karvani i gjelbër do të përqendrohet në promovimin e atij uniteti të vlerave, unitetit të veprimit që nevojitet në shoqëri. Vlerat e gjelbra janë alternativa e vetme për shoqërinë dhe shtetin, dhe për planetin në përgjithësi.

Prandaj, mendojmë se është mirë të fillojmë me komunikim të drejtpërdrejtë me qytetarët, dhe aktivitetet e radhës do të jenë vizita në disa komuna në qytetin e Shkupit, por edhe mbajtja e punëtorive në bashkëpunim me kryetarët dhe autoritetet komunale në Kavadar, Veles, Gostivar, Shtip dhe qytete tjera. Sigurisht, ne do të jemi në komunikim të drejtpërdrejtë me qytetarët në pjesë të tjera të vendit ku do të kemi ngjarje të tilla të ngjashme më të vogla, në rrugë, në stendat e informacionit ku do të shkëmbejmë informacione, do të luajmë një muzikë tematike, dhe natyrisht, më e rëndësishmja, ne do të flasim me njerëzit për të gjitha problemet e tyre, për të gjitha idetë e tyre, për mënyrën se si të tejkalojnë problemet e tyre lokale, dhe natyrisht idetë e tyre se si duhet t’i trajtojmë sfidat tona në nivelin kombëtar.

Karvani i gjelbër është pjesë e projektit ” Po vijnë të gjelbrit”, një projekt që ka pasur shumë aktivitete deri më tani, me fokus grupe, prodhim mediatik, lloje të tjera aktivitetesh, dhe natyrisht është pjesë e bashkëpunimit tonë të gjatë, për më shumë se pesë vjet me Fondacionin Heinrich Bell. Kjo është gjithçka që ne do të donim të thonim sot, megjithatë, unë do të doja të njoftoja për publikun, për mbështetësit tanë, që ne presim se herën tjetër kur të jemi në Shkup, që qytetarët të bashkohen me ne dhe të shprehin mendimin e tyre. Pse e gjelbër? Shprehni mendimin tuaj m zëshëm!

D. Tahiri

Kameramani: Atanas Petrovski

montazhi: Arian Mehmeti

 

Leave a Comment

You must be logged in to post a comment.