Presidenti Stevo Pendarovski, ka njoftuar sot se mandatin e kryeministrit teknik do t’ia dorëzojë Oliver Spasovskit. Presidenca ka lëshuar një komunikatë ku theksohet se kjo bëhet në përputhje me nenin 84 të Kushtetutës dhe nenin 43 të Ligjit për Qeverinë dhe se pas votimit në Kuvend ai do ta presë në vilën presidenciale kabinetin qeveritar.
“Pas përfundimit të seancës në Kuvend për zgjedhjen e Qeverisë teknike të Republikës së Maqedonisë së Veriut, presidenti Pendarovski në kabinetin e tij – Vila Vodno, do të takohet me anëtarët e përbërjes së re të Qeverisë”, theksohet në komunikatë.
Ashtu siç parashihet në Marrëveshjen e Përzhinos, kryeministri Zoran Zaev sot deponoi dorëheqjen e tij në Kuvend ku Xhaferi pritet ta konstatojë dhe më pas të thëret seancë për votimin e Qeverisë teknike.
A. Zeqiri
