Prej dje për të gjitha dërgesat e vogla me vlerë deri 90 euro, nuk do të paguhet doganë, njofton europort.mk. Me 1 Janar kanë hyrë në fuqi ndryshimet e Rregullores për zbatimin e ligjit doganor dhe për lirimin nga pagesa për import, me çka pragu që deri më tani ka qenë 45 euro u rrit në 90 euro.
Ministria e Financave këtë hap e ka arsyetuar me rritjen e e-tregtisë, por ky është edhe një nga rekomandimet e Komisionit Evropian.
Enti Shtetëror për Statistikë, njofton se blerja online në Maqedoninë e Veriut në vitin 2019 është rritur për 14% në krahasim me vitin 2018-të, ndërsa nga Ministria e Financave parapraisht kanë njoftuar se tregëtia online shënon trend të rritjes.
