CIVILi në komunat Vevçanë, Strugë, Ohër, Resnje, Manastir, Novaci, Mogillë dhe Prilep, nesër dhe pasnesër do ta promovojë projektin “Ardhmëri e gjelbër” të cilin organizata e zbaton në bashkëpunim me Fondacionin Hajnrih Bell – Sarajevë.
Në info stendat e Civilit, qytetaret dhe qytetarët do të kenë mundësi të njihen me qëllimet e projektit, por edhe t’i ndajnë mendimet, qëndrimet dhe propozimet e tyre për vlerat e gjelbra, drejtësinë sociale dhe antinacionalizmin. Në Prilep, në bibliotekën e qytetit “Borka Taleski” do të mbahet punëtori “ Çfarë Maqedonie dua?”, e cila është pjesë e projektit Ardhmëri e gjelbër. Në punëtorinë do to prezantohet projekti i Civilit në bashkëpunim me Fondacionin Hajnrih Bell. Në pjesën punuese të punëtorisë, do të hapet diskutim për mundësitë dhe do t’u kushtohet vëmendje e veçantë iniciativave dhe strategjive të gjelbra, si dhe çështjeve lidhur me promovimin dhe praktikimin e vlerave evropiane dhe alternativave të gjelbra, në pritje të proceseve për integrim të Maqedonisë në BE.
CIVILi në këto punëtori i fton të gjitha organizatat qytetare të interesuara, iniciativat e gjelbra, partitë politike, mediat, aktivistët dhe qytetaret dhe qytetarët e interesuar.
Nga Civili u bëjnë thirrje të gjithë qytetarëve të interesuar, të cilët duan ti ndajnë mendimet e tyre në këto tema dhe kanë ide për kontribuim për Ardhmërinë e gjelbër, të shkruajnë mesazh në fb faqen e organizatës. Ekipi i Civilit është vazhdimisht i hapur për komunikim të drejtpërdrejtë në info stendat e shumta në Shkup dhe në gjithë vendin.
Ekipi i Civilit për komunikim
