Sa herë që duhet të vendoset diçka e rëndësishme në favor të popullit, sëmuret dikush.
Në Maqedoninë e Veriut apo veriore politikën e kemi të “sëmurë” në disa aspekte; aspekti i parë është “sëmundja” e tenderit, aspekti i dytë “sëmundja” e nepotizmit dhe aspekti i tretë “sëmundja” e politikanëve.
Nga sëmundja e tenderit janë të sëmurë pjesa kryesore e politikës, ata këngë më të preferuar e kanë “Love me Tender”.
Nga sëmundja e nepotizmit është e sëmurë kryesisht qeveria, ata duhet të fillojnë në punë në ora tetë, por ata fillojnë në ora dhjetë, sepse dy orë përshëndeten korridoreve “ ku je teze?, ça bone dajo?, hallçe ç’kemi, tezak si është nëna”..
Kënga më e preferuar në qeveri është “Jemi familje e madhe sun na bëjnë asgjë”.
Mirëpo unë jam Pro nepotizmit, sepse njeriu që nuk është për shtëpinë e vet, nuk mund të jetë as për komshiun as për rrethin as për shoqërinë.
Sëmundja e tretë është ajo e politikanëve, disa janë të sëmurë për para, disa të tjerë për shfalerka e disa për pushtet, por gjëja më e shëmtuar është kur ata sëmuren dhe marrin pushim mjekësor sepse pas gjadhtë muajve pushim I kanë thirr në punë.
Kjo politikë e sëmurë do të vazhdojë kështu derisa populli të zgjohet, ose në të kundërtën edhe populli do të përfshihet nga kjo sëmundje dhe së bashku me politikën do të luajnë një valle të sëmurë.
