“Sinqerisht, nuk dëshiroj një vit si ky të na ndodh si institucion, nga arsyeja e thjeshtë se nën presion të opinionit, u zbardh korrupsioni në Komisionin kundër Korrupsionit”, u shpreh Rozeta Trajan, sekretarja e përgjithshme e Sekretariatit të Komisionit Shtetëror për parandalimin e korrupsionit, në bisedë me CIVIL Media, si pjesë e serialit “Perspektiva 2019”.
Trajan theksoi se në vitin 2019 ishim të ballafaquar me faktin se elitat politike nuk kishin vullnet t’i zgjidhin këto situata, pikërisht për shkak të mangësive ligjore, që shkaktoi që Komisioni të përballet me vitin në të cilin anëtarët u detyruan të japin dorëheqje, ndërsa vetë institucioni mbeti jofunksional.
“Vit i cili solli në sipërfaqe shumë probleme, solli edhe shpresë të re dhe nevojë për zgjidhje më të mirë ligjore dhe tejkalimin e të gjitha problemeve që gjatë viteve i ka pasur institucioni jonë”, deklaroi Trajan për CIVIL Media, duke treguar se një vit i tërë është kohë shumë e gjatë për sjellje të zgjidhjeve të reja ligjore dhe zgjedhje të anëtarëve të rinj.
Megjithatë, ajo shpreson se Komisioni kundër Korrupsionit do të ketë anëtarë të pavarur, profesional, ekspertë nga fusha e luftës kundër korrupsionit.
Nëse kemi parasysh se çfarë është standardi ndërkombëtar, atëherë do të arrijmë deri te përfundimi se institucionet në nivel botëror dhe global janë pjesë e parandalimit dhe represionit… Në këtë luftë e cila është veçanërisht e rëndë dhe e komplikuar, jo vetëm Komisioni dhe organet hetuese, si MPB, prokuroria, gjykatat, mjet i rëndësishëm dhe i nevojshëm me siguri se janë edhe organizatat qytetare, aktivistët qytetarë, gazetarët, dhe vetë opinioni publik”, theksoi Trajan, duke udhëzuar se nevojitet një qasje gjithëpërfshirëse në të cilën e gjithë shoqëria do të jetë e përfshirë.
„Sipas definicionit, lufta me korrupsionin para së gjithash do të thotë transparencë dhe llogaridhënie”, tha Trajan.
Pritjet për vitin 2019, siç theksoi Trajan, me sjelljen përfundimtare të Ligjit të ri për parandalimin e korrupsionit dhe ndeshjes së interesave, zgjedhje e anëtarëve të ri të Komisionit që do të jenë të liruar nga prangat politike dhe që nuk do t’u shërbejnë elitave politike, Sekretariat me autorizime të forcuara dhe të drejta të punësuarve.
Teksti: Biljana Jordanovska
Kamera: Dehran Muratov
Fotografia: Angella Petrovska
[divide]
Kjo bisedë është pjesë e serialit “Perspektiva 2019” në kornizat e projektit të Civilit “Qytetaret dhe qytetarët për shoqëri të lirë”, me mbështetje financiare nga Ministria për punë të Brendshme e Republikës Federale të Gjermanisë
