Për deklaratën e kryetarit të Kuvendit të Republikës së Maqedonisë, Talat Xhaferi, rreth privilegjeve të deputetëve, biseduam me Xhevdet Hajredinin, i cili thotë se Xhaferi “u shpreh ganbueshëm kur tha se tentimi, siç ishim dëshmitarë në ditët e kaluara, që deputetët e Kuvendit të Republikës së Maqedonisë, vetë të propozojnë ligj me të cilin do të sigurohen privilegje pas mbarimit të mandatit të punësohen, madje edhe në pozita udhëheqëse, që do të thotë se nëse nuk ekziston ky ligj, ata do të mbarojnë para kontejnerëve”.
Këta janë njerëz për të cilët, vetë lideri i BDI, në pyetjen e një qytetares, pse filan njeriu për herë të tretë përsëri zgjidhet për deputet, tha “Unë nuk kam çfarë ti bëj, ai as si moler nuk mund të punojë!”. Kinse, ai zgjidh probleme sociale me atë që i propozon për deputetë?
Dhe me të vërtetë, a meriton, për shembull, të brengosesh se ku do të jetë pas mbarimit të mandatit njeriu i cili 20 vite nuk ka kërkuar fjalë në Kuvend? Vetë fjala Parlament, vjen nga latinishtja – parla – flet. Dhe jo vetëm se nuk ka kërkuar fjalë, por në një rast, pa e ditur se çfarë është Rregullorja e punës së Kuvendit, kërkoi fjalë dhe të gjithë i hapën sytë të shohin se çfarë do të thotë. Ai doli në foltore dhe i replikoi një njeriu i cili as ishte prezent në sallë, as ishte deputet.
Dhe tani dikush tenton të kujdeset për atë se çfarë do të punojnë kur t’u skadojë mandati. Çfarë ka punuar para mandatit? Çfarë ka punuar gjatë mandatit, që të brengosemi se ku do të punojë pas mandatit?”, thotë Hajredini.
Maja Ivanovska
Kamera: Dehran Muratov
Montazhi: Arian Mehmeti
Fotografia: Biljana Jordanovska
Përpunimi i tekstit: Dijana Tahiri
