Në Gjykatën Penale në Shkup sot duhet të vazhdojë gjykimi për ngjarjet e vitit të kaluar në Kuvendin e Republikës së Maqedonisë.
Rasti gjendet në procedurën e dëshmive dhe po shfaqen video materiale nga kamerat e sigurisë në Kuvend.
Këshilli gjyqësor në rastin “27 prilli” në seancën e kaluar vendosi që ta ndajë procedurën për të akuzuarin Sasho Markovski, i cili për shkak të përkeqësimit të gjendjes shëndetësore është në mjekim në SPQ “8 Shtatori”. Procedura e ndarë për Markovskin do të vazhdojë pas një muaji, ndërsa paraprakisht gjykata do të kërkojë mendim për gjendjen e tij shëndetësore.
Për rastin “27 prilli” të akuzuar janë edhe 32 persona, prej të cilëve 31 për rrezikim të rendit kushtetues në shtet dhe dy për nxitje. Në bankën e të akuzuarve janë Luben Arnaudov, Sasho Vasilevski, Kërsto Mukoski, Lupço Dimovski, Johan Tarçullovski, Mitko Çavkov Mitko Peshovski, Dushko Llazarov, Goran Joshevski – Levi Oliver Popovski, Oliver Radullov, Sasho Markovski, Munir Pepiq, Abdulfeta Alimi, Elena Docevska – Bozhinovska, Ivan Cvetanovski Boris Damovski, Bogdan Ilievski – Betmen, Vllado Jovanovski, Igor Durllovski, Stefan Mladenovski, Mihail Mlladenovski, Zaхariе Simovski, Mladen Dodevski, Jane Çento, Goranço Angellovski, Igor Jug, Ilia Sllaveski, Vlatko Trajkov, Viliam Mihajllovski, Nikolla Mitrevski – Koljo , Aleksandar Vasilevski – Ninxha dhe Mitre Pitropovski. (MIA)
