SHBA e përshëndet vendimin e Parlamentit të Maqedonisë që t’i fillojë ndryshimet kushtetuese të nevojshme për implementimin e Marrëveshjes së Prespës me Greqinë. SHBA-të besojnë se Marrëveshja e Prespës është mundësi historike për promovim të stabilitetit, sigurisë dhe prosperitetit në gjithë rajonin”, ka deklaruar zëdhënësi i Stejt Departamentit në brifingun në Uashington në pyetjen e gazetarit grek, transmeton ANA-MPA.
Departamenti Amerikan i Shtetit i vlerësoi si të paarsyeshme dhe tentim për informacione dhe propaganda të rreme akuzat e Rusisë, se SHBA është e përfshirë në votimin në Kuvendin e Republikës së Maqedonisë, me anë të cilit u dha dritë jeshile për ndryshimet në kushtetutë.
DASH i sugjeron ata të cilët dëshirojnë të hulumtojnë për atë se si deputetët e Maqedonisë e kanë sjellë vendimin e tyre, që këtë ta bëjnë në konsultime me vetë deputetët e jo duke shfrytëzuar informacionet dhe propagandën e rreme ruse.
Edhe Ministria e Punëve të Jashtme e Maqedonisë dje në mënyrë kategorike i hodhi poshtë si plotësisht të pabaza dhe të pavërteta pohimet dhe kualifikimet e dhëna në komentin e sektorit për informim të MPJ-së së Federatës ruse në lidhje me votimin e propozimit për fillim të ndryshimeve të Kushtetutës në Kuvendin e RM-së, transmeton Gazeta Express.
