Zëvendësndihmësi i sekretarit shtetëror amerikan për Çështje Evropiane, Methju Palmer, të hënën do të qëndrojë për vizitë në Republikën e Maqedonisë, informuan nga Ambasada e Amerikës në faqen e tyre në Fejsbuk.
“Palmer do të udhëtojë në Maqedoni të hënën, 22 tetor, në bisedime rreth mbështetjes së SHBA-së për Marrëveshjen e Prespës midis Maqedonisë dhe Greqisë dhe rëndësinë që të vazhdojë me agjendën reformuese të Maqedonisë. Ai do të takohet me përfaqësues të Qeverisë dhe partive politike, në mesin e të cilëve edhe me kryeministrin Zoran Zaev dhe ministrin e Punëve të Jashtme, Nikolla Dimitrov”, theksojnë nga Ambasada. (MIA)
