CIVIL – Qendra për Liri e dënon ashpër barbarizmin urbanistik në komunën Aerodrom dhe shpreh mbështetje të fuqishme për qytetaret dhe qytetarët që paralajmëruan protestë sot.
E përkujtojmë kryetarin e Komunës Aerodrom, Zllatko Marin, se funksioni dhe detyra e tij është të jetë në anën e qytetarëve dhe interesave të tyre. Ndërsa interesat e këtyre qytetarëve që jetojnë në komunën më të ndotur në Shkup, me siguri se nuk janë shumëkatëshet e reja, por ajri i pastër dhe mjedisi i shëndoshë jetësor.
I bëjmë thirrje kryetarit Marin, të përkujtohet për të gjitha debatet me kundër kandidatin e tij në zgjedhjet lokale, kryetarin e mëparshëm të komunës Ivica Konevski, në të cilat ai ofronte shum[ zgjidhje për ndalimin e ndërtimit të pakontrolluar në pjesën e urbanizuar të komunës. Kryetari aktual nuk tentoi të realizojë asnjë nga këto zgjidhje, as t’i pranojë propozimet e aktivistëve me të cilët kishte takim para disa muajve.
Pothuajse një vit më vonë nga mandati i tij në komunë, rrëmuja urbanistike edhe më tej vazhdon, ndërsa një nga pikat më kryesore të premtimeve të tij parazgjedhore, ajo për të cilën edhe fitoi numrin më të madh të votave, zvogëlimi i ndërtimeve në pjesën e urbanizuar të qytetit, jo vetëm se nuk u realizua, por përkundrazi, duket se është harruar.
I bëjmë thirrje kryetarit të komunës të gjen zgjidhje përkatëse, ose t’i pranojë ato zgjidhje të cilat gjatë muajve të kaluara i ishin ofruar. Ose, thjeshtë, nëse me të vërtetë i ka “duart e lidhura” siç din të thotë shpesh, të jep dorëheqje morale nga funksioni për shkak të mosplotësimit të premtimeve! Tani është momenti ta tregojë qëllimin e tij dhe të merr anën e qytetareve dhe qytetarëve të cilët ia besuan mandatin!
