Katër debate do të mbahen sot dhe nesër në Shkup në kuadër të Forumit për shoqërinë civile Shkupi 2018 dhe si vazhdim i serisë së suksesshme të forumeve të mbajtura si mbështetje e Procesit të Berlinit dhe Samitit që mbahet çdo vit duke filluar nga viti 2015, në njërën prej vendeve-anëtare të BE-së.
Bashkorganizatorë të Forumit janë Fondacioni Fridrih Ebert – zyra Shkup (FEC Shkup), EUORTHiNK dhe Forumi rinor arsimor (FRA).
Debati “Një-në-një”, “Bilateralja në Ballkan: Implikimet rajonale të kontesteve dypalëshe” do të mbahet sot në Kino kulturën, ndërsa panelistë do të jenë shefi i diplomacisë Nikolla Dimitrov dhe themeluesi i “Koha Ditore”, Veton Suroi.
Në lokacionin e njëjtë më vonë do të mbahet Agora Debat: “Mendimi strategjik për zgjerim”, ndërsa panelistë do të jenë Lukaks Holub, nga Delegacioni i BE-së në Maqedoni, Bojan Mariçiq, këshilltar special i kryeministrit dhe negociues teknik me BE-në dhe Tobi Vogel, CEPS.
“Sesion i natës” “Aktivizëm vs. Konsultim: Cili është roli i sektorit qytetar? do të mbahet sonte në Restorantin MKC, ndërsa penalistë do të jenë Filip Radunoviq, GIZ, Marjan Zabrçanec, i dërguari special i kryeministrit, Venera Hajrullahu, konsultuese, Meliha Bajramoviq, TANGO.
Për nesër është paraparë debati “Një-në-një”, “Ura ose mure? Maqedonia dhe Ballkani Perëndimor në Evropë” në të cilin si penalistë janë paralajmëruar kryeministri Zoran Zaev dhe Janis Armakolas, ELIAMEP. (MIA)
