Bashkimi Evropian në dialogun midis Beogradit dhe Prishtinës proklamon zgjidhje, e cila nuk bazohet në idenë e krijimit të shteteve etnikisht të pastra, thonë burime nga kabineti i komisares së lartë të BE-së për Politikë të Jashtme Federika Mogerini, për edicionin e sotëm të “Koha Ditore”.
Sipas të njëjtave burimeve, siç njofton korrespondenti i MIA-s nga Prishtina, marrëveshja e detyrueshme ligjore për normalizimin e marrëdhënieve mes dy vendeve duhet të garantojë zgjidhje të qëndrueshme dhe të jetë në pajtim me ligjet ndërkombëtare.
Maja Kocijançiq, zëdhënëse e Mogerinit, deklaroi për gazetën se Brukseli është i fokusuar në gjetjen e një zgjidhjeje, e cila do të jetë e pranueshme për të dyja palët.
Në pyetjen për idenë e presidentit të Kosovës Hashim Thaçi për korrigjim të kufijve, Kocijançiq tha se nuk dëshiron ta komentojë përmbajtjen e debatit vijues dhe udhëzoi në deklaratën e para pak kohësh të Mogerinit dhe BE-ja do ta mbështesë #çdo zgjidhje për të cilën do të pajtohen të dyja palët”.
“E dini historinë evropiane. Është e bazuar në tejkalimin dhe parandalimin e ideve për shtete etnikisht të pastra”, deklaroi Kocijançiq. (MIA)
