Zëvendëskryeministri për çështje ekonomike Koço Angjushev i cili prej dje merr pjesë në takimin rajonal të liderëve të biznesit nga rajoni Samiti 100 në Beograd, sot do të ketë paraqitje në panelin “Vallë rajoni mund të garojë në tregun global”.
Në panelin që do të mbahet pasdite do të diskutojë edhe nënkryetari i Qeverisë së Republikës së Serbisë, Rasim Lajiq.
Angjushev dje në kuadër të Samitit pati paraqitje në panelin me temë: “Bashkëpunimi rajonal, sfidat dhe perspektivat” tha se duhet të largohen barrierat administrative dhe të bëhet treg i përbashkët.
“Shtetet duhet të merren me projekte të cilat do të sigurojnë logjistikë për biznesin. Maqedonia ka dhënë sinjal të qartë se dëshiron të bëhet pjesë e familjes evropiane, të rritet numri i investimeve të huaja direkte, i barazuam kriteret për investuesit vendorë dhe të huaj”, ka thënë Angjushev.
Në kuadër të Samitit dyditor të 100 liderëve të biznesit nga Evropa Juglindore, në Beograd marrin pjesë mbi 200 liderë më të shquar afaristë nga Serbia, Maqedonia, Sllovenia, Kroacia, BeH-ja, Mali i Zi dhe Shqipëria dhe përfaqësues të shteteve të rajonit.
Temë boshte e Samitit është transformimi digjital.
Iniciatorë për mbajtjen e Samitit të 100 liderëve të biznesit janë Asociacioni serb i menaxherëve (SAM), Shoqata e menaxherëve të Sllovenisë (ZM), Shoqata kroate e punëdhënësve (HUP), Alkaloid nga Maqedonia, Atlas fondacioni nga Mali i Zi, BBI Banka dhe ASA holding nga BeH-ja.
Ndryshe, takimi i parë u mbajt në tetor të vitit 2011 në Arangjelovac, ndërsa Samiti i gjashtë paraprak u mbajt në Shkup në tetor të vitit 2017. (MIA)
