Ish-ministri britanik i Punëve të Jashtme, Boris Xhonson e ftoi kryeministren Thereza Mej që të heq dorë nga propozimet e saj për Bregzit, me çka e përforcoi presionin mbi të, në vigjilje të konferencës vjetore të partisë së saj të ndarë, e cila duhet të mbahet për dy ditë.
“Tani është koha që të ndryshohet kursi dhe t’i jepet përparësi ambicieve dhe potencialit të Bregzitit”, shkruan Xhonson në botimin e sotëm të gazetës “Dejli Telegraf”, duke ofruar plan alternativ për Bregzitin të përbërë nga gjashtë pika.
“Shikojmë mossukses kolektiv të qeverisë dhe mospasje të vullnetit të zyrtarëve të lartë britanikë që t’i plotësojë detyrat, që ia kanë dhënë njerëzit”, theksoi ai.
Xhonson njëri nga mbështetësit më të fuqishëm për dalje nga BE-ja në referendumin në vitin 2016 në korrik dha dorëheqje si ministër i Punëve të Jashtme, për shkak të propozimeve të Mejit për Bregzitin, duke e përshkruar si “varësi të detyrueshme vasale”.
Mej në disa raste deklaroi se propozimet e saj janë të vetmet të realizueshme.
(MIA)
