Drejtori i Përgjithshëm i Agjencisë Bullgare të Lajmeve (BTA) Maksim Minçev në një intervistë me rastin e 20 vjetorit të MIA-s thekson bashkëpunimin e mirë dhe profesional mes dy agjencive të lajmeve.
Si e vlerësoni bashkëpunimin e deritanishëm me MIA-n?
Bashkëpunimi ndërmjet Agjencisë Informative të Maqedonisë dhe Agjencisë Bullgare të Lajmeve është i frytshëm dhe profesional. Gjatë viteve, kemi mbajtur disa forume, kemi punuar në projekte të përbashkëta. E megjithatë shpresoj, se do të kemi një bashkëpunim edhe më të mirë në partneritet në të ardhmen – si në aspektin e shkëmbimit të rregullt të informacionit midis dy agjencive, edhe në punën tonë për kauza të rëndësishme publike. Po e ndërlidh këtë me hapjen e ardhshme të qendrës së shtypit të BTA-së në Shkup dhe qendrës së shtypit të MIA-s në Sofje. Përmes qendrave tona të gazetarisë ne do të thellojmë bashkëpunimin tonë reciprok.
Cili është mendimi juaj për rolin e MIA-s në rajon?
MIA është një nga agjencitë më solide në rajon. Prandaj unë dua ta shoh Agjencinë Informative të Maqedonisë si anëtare të Aleancës Evropiane të Agjencive të Lajmeve – EANA.
Cili është mesazhi Juaj për MIA-n me rastin e 20-vjetorit jubilar ?
Si drejtor i përgjithshëm i BTA-së, agjenci e cila këtë vit e feston përvjetorin e 120-të, do të doja që MIA të arrinte moshën tonë, duke e ruajtur entuziazmin rinor. Vazhdoni të përfaqësoni postulatet kryesore të gazetarisë së agjencisë: saktësinë, objektivitetin, paanshmërinë. Le të bëjmë gjëra shumë më të rëndësishme së bashku.
Gabriela Toçko
