Koalicioni për Maqedoni Evropiane përmes një njoftimi për media i falënderoi qytetarët për bashkimin, për përkrahjen e fuqishme në marshin e djeshëm dhe në tubimin e madh qytetar në Shkup.
“Përmes pjesëmarrjes masive qytetarët në formë të lirë, me vendosmëri dhe dinjitet dërguan një mesazh të fortë dhe të qartë: Maqedonia më 30 shtator e bashkuar do të votojë PRO”, citohet në njoftimin e koalicionit.
Sipas Koalicionit për Maqedoni Evropiane qytetarët janë për bashkim, për integrim, përparim, qytetarët janë për një të ardhme të sigurt dhe stabile në BE dhe në NATO. (MIA)
