Kryeministri Zoran Zaev sot duhet të mbajë fjalim në seancën plenare të Parlamentit Evropian në Strasburg.
Zaev mbrëmë në tubimin në Kriva Pallankë paralajmëroi se në PE do të flasë për perspektivat e Maqedonisë. Pritet të përqendrohet edhe në marrëveshjen me Greqinë, referendumin e ardhshëm dhe për reformat e ndërlidhura me integrimin e vendit në Bashkimin Evropian.
Para dy ditëve në PE fjalim pati edhe kryeministri grek Aleksis Cipras. Ai i theksoi sukseset diplomatike të Qeverisë së tij në rajon, duke e quajtur Marrëveshjen e Prespës “maja e përpjekjeve tona”.
“Me kryeministrin Zaev arritëm deri te një zgjidhje e përbashkët e pranueshme pa përdorimin e forcës, por përmes diplomacisë dhe dialogut. Kjo marrëveshje mund të jetë model për zgjidhjen e kontesteve në rajonin tonë”, deklaroi Cipras para deputetëve evropianë. (MIA)
