Në gjysmën e parë të vitit tregu i sigurimeve shënon rritje prej 6,36 për qind, me ç’rast në tre vitet e ardhshme është vërejtur rritje më e lartë në segmentin e sigurimit jo jetë, ndërsa segmenti jetë shënon rritje prej 14,63 për qind.
Këtë thekson kryetari i Këshillit të Ekspertëve të Agjencisë për Supervizion të Sigurimeve, Klime Poposki në intervistë për MIA-n.
Ai shton se gjeneratorë kryesorë të rritjes në sektorin e jo jetës janë rritja e sigurimit autopërgjegjësi prej 5,76 për qind. Rritje, thotë, ka edhe tek sigurimi kasko prej 3,72 për qind dhe sigurimi pronësor ka për herë të parë në vitet e fundit rritje prej 5,46 për qind.
Poposki potencoi se rritje prej 131 për qind është vërejtur edhe tek sigurimi shëndetësor.
“Sidomos kemi rritje tek sigurimi privat shëndetësor. Sigurimi privat shëndetësor në tre vitet e fundit, përjeton ekspansion të vërtetë, gjegjësisht qytetarët gjithnjë e më shumë blejnë polica për sigurim shëndetësor sepse shtrirja e rreziqeve që i mbulojnë paketat dhe produktet që i ofrojnë sidomos për trajtim dhe mjekim nëpër institucionet private shëndetësore gjithnjë e më shumë si përfitim i madh për qytetarët. Rritje tek sigurimi shëndetësor ka nga 131 për qind”, thotë Poposki.
Rritje ka edhe tek sigurimi i udhëtarëve për 9,27 për qind.
Në pjesën e sigurimit jetësor potencoi se rritja është më e ulët sesa vitet e kaluara kur shifrat kanë qenë rreth 20 dhe vlerëson se kjo është rritje reale.
“Tek sigurimi i jetesës kemi ngadalësim të caktuar të rritjes, sepse deri para dy viteve, rritja çdo vit arrinte të paktën 20 për qind, ndërsa në këtë gjysmëvjetor kemi rritje prej 14,63 për qind. Pritjet tona megjithatë janë se në segmentin e sigurimit të jetesës do të kemi ngadalësim të caktuar të rritjes, gjegjësisht nuk mund të presim shkallë kaq të larta të rritjes prej 20 për qind, sepse baza tashmë është rritur. Kjo është rritje reale”, thekson Poposki.
Në intervistë bind se kompanitë janë mirë të kapitalizuara dhe solvente dhe se personat e siguruar mund të jenë të sigurt në lidhje me pagesën. (MIA)
