Tryezë e rrumbullakët “Roli dhe ndikimi i mediave në promovimin e integrimit ndëretnik dhe vlerave demokratike te të rinjtë”, do të mbahet sot në suaza të projektit të USAID për integrimin ndëretnik të të rinjve në arsim.
Projekti është iniciativë pesëvjeçare, e implementuar nga Qendra e Maqedonisë për arsim qytetar, në bashkëpunim me Ministrinë e Arsimit dhe Shkencës, institucionet arsimore kyçe dhe të gjitha komunat dhe shkollat në Maqedoni.
Në tryezën e rumbullakët, fjalim do të mbajnë Eduard Gonzales, drejtor i Zyrës për zhvillim të USAID në Maqedoni, Nebojsha Mojsoski, udhëheqës i projektit të USAID për integrim ndëretnik të të rinjve në arsim, Qendra e Maqedonisë për arsim qytetar, Nazihtere Sulejmani, këshilltare shtetërore në MASH.
Qëllimi kryesor i projektit është ta përmirësojë integrimin ndëretnik përmes mundësimit të interaksioneve pozitive mes të rinjve nga bashkësi të ndryshme etnike në nivel të shkollave dhe bashkësive, përmirësimi i përmbajtjeve, shkathtësive dhe sjellja e lidhur me arsimin qytetar dhe praktikat vullnetare të të rinjve. (MIA)
