CIVIL – Qendra për Liri nesër, ( e martë, 11 shtator) do ta promovojë projektin “Votoj, pra ekzistoj” me qëllim kryesor – realizimi i të drejtës së pakontestueshme të votës të qytetarëve, në disa komuna të rajonit të Vardarit.
Qytetaret dhe qytetarët e komunave Veles, Gradsko, Rosoman, Kavadar dhe Negotinë do të kenë mundësinë të informohen dhe t’i ndajnë qëndrimet, mendimet dhe informatat në lidhje me referendumin, në info stendat me përfaqësuesit e organizatës dhe t’i japin mesazhet e tyre në pllakatet e vendosura në sheshet në këto komuna, ose në mënyrë anonime ta vendosin mesazhin e tyre në “kutitë për votim”. Gjithashtu, ata do të munden lirisht ta shprehin mendimin e tyre para kamerës së ekipit të CIVIL Media ( njësia organizuese e Civilit).
Qytetaret dhe qytetarët e këtyre komunave do të kenë mundësinë të paraqiten edhe si vëzhgues afatshkurtë në procesin e referendumit.
Civili do të takohet me vëzhguesit afatgjatë nga këto komuna, ku do të këmbehen gjetjet e deritanishme lidhur me procesin e referendumit.
Projekti është i mbështetur nga Ambasada e SHBA në Shkup.
