Shoqata joformale “Në Biçikletë” sot në masën kritike të 76-të, së bashku me çiklistët në qytet, do të kërkojnë nga komunat përpjekje më të mëdha në përkrahjen e transportit të shëndetshëm në qytet.
Ata nga qyteti i Shkupit dhe tetë komuna të hënën kërkuan ngritje të vetëdijes për transport që nuk përfshin automobila, si lloj i dëmshëm dhe joefektiv i transportit dhe përpjekje më të mëdha të kahëzuara drejt ndërrimit të shprehive momentale të transportit. Si hap i parë në atë është shënimi i Ditës Botërore pa automobila më 22 shtator.
Shumë qytete përreth Evropës do t’i mbyllin rrugët e tyre për qarkullim të automobilave për një ditë në shtator, si pjesë e fushatës Një ditë pa automobila (Car – Free Day) në suaza të European Mobility Week të sivjetëm. Duke filluar nga 22 shtatori i vitit 2000, kur 760 qytete përreth Evropës e përkrahën organizimin e Ditës pa automobila, çdo vit marrin pjesë edhe qytete të reja qartë duke treguar se fillojnë plan i cili do t’i ndërrojë qytetet e tyre në lidhje me politikat transportuese. Se kanë plan në të cilat përparësi do të ketë jeta cilësore e njerëzve.
Dita pa automobila është ditë kur festohet transporti i shëndetshëm në një qytet.
“Në Biçikletë” propozon që çdo komunë në Shkup, më 22 Shtator (e shtunë), të mbyllë një rrugë për qarkullim me automobila e cila është në kompetencë të komunës, por edhe të përgatisë program dhe të organizojë aktivitete për qytetarët (me artistë lokal, muzikantë, shoqata etj), në atë rrugë gjatë ditës, me çka do t’i motivojë të vijnë dhe të qëndrojnë në atë rrugë, që ta përjetojnë në mënyrë më ndryshe. Gjithsesi vetë qytetarët duhet paraprakisht të informohen mirë dhe të njoftohen me qëllimin e ditës, me aktivitetet të cilat do të ndërmerren edhe për mbylljen e rrugëve.
