Nëse forcat politike në vend votojnë në bazë të kritereve dhe ideologjive të qarta politike, Marrëveshja do të kalojë me shumicë të gjerë parlamentare, thotë ministri pa resor dhe zëdhënës i Qeverisë greke, Dimitris Xanakopulos në intervistën për televizionin shtetëror ERT.
“Sa i përket çështjes së Maqedonisë, nëse plotësohen parakushtet nga vendi fqinj, do të vjen në Kuvendin grek, do të kalojë me shumicë të gjerë parlamentare, nëse votojnë forcat politike, jo në bazë të synimeve dhe qëllimeve të brendshme politike, por në bazë të ideologjive dhe kritereve të qarta politike”, tha Xanakopulos për televizionin grek ERT.
Siç lajmëroi korrespondentja e MIA-s nga Athina, në lidhje me qëndrimin e partnerit të koalicionit në Qeveri, Panos Kamenos, se nuk do të votojë për Marrëveshjen e Prespës, por edhe se do të rrëzojë Qeverinë, Xanakopulos e përsëriti deklaratën e liderit të Grekëve të Pavarur se sipas marrëveshjes pas zgjedhjeve në vitin 2015, me Aleksis Cipras do të shkojë deri në fund të mandatit katërvjeçar. (MIA)
