Mbështetje nga SHBA-të për arritjen e Marrëveshjes mes Maqedonisë dhe Greqisë dhe shpresë për përfundim të suksesshëm të referendumit është theksuar në takimet të cilat shefi i diplomacisë së Maqedonisë Nikolla Dimitrov i ka pasur me përfaqësues të Shtëpisë së Bardhë dhe Senatit, njofton MPJ.
Zëvendës-këshilltari për siguri nacionale të SHBA-së, Mira Rikardel ka përshëndetur Marrëveshjen mes Maqedonisë dhe Greqisë si dhe guximin dhe pjekurinë që kanë treguar dyja palët në procesin politik dhe diplomatik.
Ajo e ka përcjellë, madje mbështetjen e Shtëpisë së Bardhë për anëtarësimin e Maqedonisë në NATO dhe ka shprehur pritjet që vendi së shpejti të merr vendin e merituar në tryezën e përbashkët.
“Fakti që me miqtë tanë nga Greqia treguam se mund të zgjidhim probleme disa dekadësh, flet se Ballkani po ecë përpara. Jam i bindur se qytetarët e Maqedonisë do të dinë ta shfrytëzojnë këtë shans historik”, ka thënë ministri Dimitrov. (MIA)
