Deri të mërkurën do të dihet se sa do të kushtojë fushata për referendumin që pason. Në seancën e qeveritare të radhës, që sipas paralajmërimeve do të mbahet të mërkurën, zyrtarisht do të përcaktohet shuma për referendumin.
Qeveria në seancën e fundit ka angazhuar Ministritë dhe organet e institucioneve shtetërore që deri te Ministria e Financave të dorëzojnë informatë për mjetet që kanë në dispozicion, ndërsa do të mund të riorientohen për fushatën e referendumit.
Nga Ministria e Mbrojtjes veçmë dolën me informatë se do të ndajnë diçka më pak se 60 milionë denarë për fushatën.
“Ministria e Mbrojtjes është njëra nga ato e cila më së shumti duhet të jetë e interesuar për prioritetin tonë strategjik dhe nga sektori ynë për financa dërguam informacion se në dispozicion po vendosim diç më pak se 60 milionë denarë, të cilat ishin planifikuar për aktivitete të ngjashme, por të cilat vlerësojmë se është më mirë t’i shfrytëzojë Kuvendi, e jo ne individualisht”, tha Shekerinska, duke shtuar se të mërkurën në seancë qeveritare zyrtarisht do të caktohet shuma e fushatës.
Ministritë tjera deri tani publikisht nuk dolën me informatë se sa para do të ndajnë për fushatën e referendumit.
Vendimi për referendumin është sjell në seancën e fundit qeveritare. Nga Qeveria paralajmëruan se fushata do të jetë informative me qëllim të këmbehen informacione me interes publik rreth përmbajtjes së Marrëveshjes me Greqinë, përfitimet nga integrimi i Republikës së Maqedonisë në NATO dhe BE dhe plani sipas së cilës vendi do të lëviz drejt Aleancës dhe Unionit.
