Agjencia Informative e Maqedonisë (MIA) e ka marrë pajisjen për servisin foto dhe video, si pjesë e ndihmës që Agjencia amerikane për zhvillim ndërkombëtar (USAID) e realizon në bazë të Marrëveshjes së nënshkruar për bashkëpunim me MIA-n.
Marrëveshja mes MIA-s dhe USAID-it, e lidhur në maj të këtij viti, ka për qëllim t’i ndihmojë Agjencisë që ta përforcojë kapacitetin e prodhimit të përmbajtjeve profesionale dhe ta përmirësojë servisin e saj foto dhe video. Pajisja përbëhet nga aparate fotografimi, kamera, ndriçim, kompjuterë dhe softuerë për montazhë, me çka krijohen kushte në MIA për përforcim të servisit foto dhe vendosje të video servisit vetanak.
Përveç pajisjes së re për servisin foto dhe video, bashkëpunimin fokusohet edhe në sigurimin e trajnimeve për rritjen e biznesit dhe kapaciteteve të marketingut dhe cilësive prodhuese të MIA-s. Në dy muajt e fundit janë mbajtur disa module të trajnimeve me të punësuar nga redaksi të ndryshme dhe sektorë të Agjencisë. Trajnimet do të vazhdojnë edhe gjatë muajve të ardhshëm, ndërsa fokusi do të jetë mbi trajnimet për shfrytëzimin e teknikës së re, organizim të WEB repartit të ri, përdorim të teknikave të reja në shfrytëzimin e rrjeteve sociale dhe teknologjive digjitale, krijim i WEB faqes së re të MIA-s, menaxhmentit të biznesit dhe risi të tjera të domosdoshme për formim dhe zhvillim në punën e MIA-s.
Bashkëpunimi mes MIA-s dhe USAID-it duhet të rezultojë në rritje të efikasitetit të Agjencisë në informimin e klientëve vetanakë dhe qytetarëve të republikës së Maqedonisë. (MIA)
