Gazeta gjermane “Uelt am Zontag” paralajmëron se presidenti francez Emanuel Makron planifikon që fshehtas të formojë grupin e tij parlamentar liberal demokratik në Parlamentin Evropian pas zgjedhjeve të vitit 2019.
Partia e tij qendrore Republika në lëvizje (PEM) vlerësohet si e afërt me Aleancën e Liberalëve dhe Demokratëve të Evropës (ALDE), por gazeta paralajmëron se ish-politikani socialist po përgatit lëvizje të re, e cila do të quhet Demokratët progresiv dhe e cila do të shfaqet në zgjedhjet në shumë shtete evropiane dhe do të paraqitet si përgjigje e rritjes së partive nacionaliste.
“Makron është mbështetës kryesor i tezës se duhet ta përforcojmë Evropën që të mos ndodhë që të fitojnë fuqitë joliberale, vlerëson Janis Emanuilidis nga Qendra për Politikë Evropiane në Bruksel.
Partnerë kryesor potencial të Makronit do të ishin lëvizja spanjolle Qytetarët (Siudadanos), por edhe Partia Demokratike e Mateo Renci në Itali, tendenca e të cilit drejtë Makronit do të nënkuptonte rënie të mëtutjeshme të bllokut të partive socialdemokratike në Parlamentin Evropian.
Sipas gazetës gjermane, përderisa Makron me ndihmën e këtyre dy partive vjen deri 40 ose 50 vendeve të deputetëve, atëherë do t’i ftojë deputetët e ALDE që të përfshihen dhe të formojnë grupin e dytë më të madh në Europarlament, pas Partisë Popullore Evropiane konservative, e cila në ciklet zgjedhore e ka grupin më të madh të deputetëve.
Me këtë, këto dy grupe do të mund ta kontrollojnë punën e Parlamentit dhe të Komisionit Evropian dhe krahas pritjeve të partive nacionaliste do të kenë deri më tani sukses rekord në zgjedhjet e ardhshme”, thekson “Uelt am Zontag”. (MIA)
