Sekretari i Përgjithshëm i KB-së Antonio Guteresh paralajmëroi se KB-së i mungojnë të holla dhe u bëri thirrje shteteve-anëtare që t’i shlyejnë borxhet.
Në letrën deri te shtetet-anëtare Guteresh thekson se nga 30 qershori buxheti i KB-së është në deficit prej 139 milionë dollarë. Ai vlerësoi se Organizata “asnjëherë nuk është ballafaquar me situatë aq të vështirë lidhur me qarkullimin e të hollave aq herët në vitin kalendarik”.
“Një organizatë si e jona nuk do të duhet të pësojë falimentime të shpeshta. Por, dhimbje më të madhe ndjejnë ata të cilëve u shërbejmë kur nuk mundemi, për shkak të mjeteve modeste që t’u përgjigjemi thirrjeve të tyre për ndihmë”, thekson Guteresh.
Komiteti buxhetor i AP të KB-së aprovoi në dhjetor buxhet prej 5,4 miliardë dollarë për periudhën nga viti 2018 deri në vitin 2019 për të cilin ambasadorja amerikane në KB, Niki Hejli tha se paraqet ulje prej 285 milionë dollarë në krahasim me periudhën 2016-2017.
Sipas të dhënave të KB-së, 112 nga 193 anëtare deri tani nuk e kanë paguar pjesën e tyre në buxhet. (MIA)
