Zoran Zaev dhe LSDM për vetëm dhjetë ditë janë kapur si vjedhin 45 milionë euro, para të qytetarëve. Plot 35 milionë euro nga shëndetësia dhe 10,5 milionë të tjerë nga fondi për inovacione përfundojnë tek donatorë partiakë, funksionarë apo djem të rin j të cilët duhet t’i mbulojnë të fortit e vërtetë, thuhet në kumtesën e sotme të VMRO-DPMNE-së.
Më tej thuhet se “kompani të zëvendëskryeministrit dhe funksionarëve të tjerë nga pushteti marrin grante prej qindra mijë eurove, përderisa Zaev i shet interesat nacionale.
“Dhjetëra milionë euro i ndahen ndërmarrjes së formuar para katër muajve, ecila si kontratë të parë merr monopolin trevjeçar me hulumtimet laboratorike, Minsitri Filipçe betohet se nuk e ka ditur se ku po paguan 35 milionë euro, përderisa Zaev imagjinon manipulime për të fituar mbështetje për pranimin e tij të linjave të kuqe greke”, thuhet në kumtesë.
Më tutje, nga VMRO-DPMNE thonë se në vend se t’i afrohemi BE-së dhe NATO-s me standarde dhe reforma, Maqedonia gjithnjë e më tepër po fundoset dhe po iu afrohet vendeve nga bota e tretë, dhe shtojnë se “faturën për këtë paaftësi, grykësi dhe shpenzim joekonomik çdoherë në fund e paguan populli”.
“LSDM shkeli në krim dhe të gjitha manipulimet rreth referendumit dhe negociatat partiake janë vetëm tentim për t’u mbuluar vjedhja që po zhvillohet për momentin”, thuhet në kumtesën e VMRO-DPMNE.
(MIA)
