Hidrologjia jashtëzakonisht e favorshme e kaskadës së lumit Drin mundësoi prodhimtari rekorde të energjisë elektrike në Shqipëri.
Sipas të dhënave të Elektrokorporatës shqiptare (KESH) në gjysmë vjetorin e parë të këtij viti të hyrat nga energjia e prodhuar elektrike janë rreth 10,9 miliardë lekë (87,3 milionë euro), falë eksportit të madh të energjisë elektrike.
“Gjendja e favorshme hidrologjike është rezultat i reshjeve të mëdha në muajt e parë, të cilat ishin disa herë më të mëdha krahasuar me reshjet mesatare në vitet e fundit. Në tre hidroelektranat e kaskadës së lumit Drin, “Fierza” “Koman” dhe “Vau te Dejes”, prodhimtaria e realizuar është 53 për qind më e madhe nga prodhimtaria mesatare në 15 vitet e fundit, konfirmojnë nga KESH.
Prej atje shtojnë se, si pasojë e kësaj është rritur eksporti i energjisë elektrike përderisa aspak nuk kishte import.
Përmirësimi i gjendjes financiare ka kontribuar në zvogëlimin e detyrimeve të KESH. Në këtë periudhë kompania kishte paguar 1,6 miliardë lekë (12,6 milionë euro) detyrime tatimore, siç është TVSH, tatimin e fitimit dhe shpenzime tjera. Janë paguar edhe mjete për dëmshpërblimin e banorëve nga rajoni i Shkodrës nga vërshimet në vitin 2010 që ishin shkaktuar pasi ishte lëshuar uji nga akumulimet, me qëllim të mbrohen nga shpërthimi i pendave.
Neto fitimi i KESH për periudhën janar-qershor është 6,2 miliardë lekë (49,1 milionë euro).
(MIA)
