Kuvendi i Republikës së Maqedonisë sot duhet ta mbajë vazhdimin e seancës së 53-të, në të cilën në rend dite janë ndryshimet e Kodit Zgjedhor, në pjesën e zgjedhjes së anëtarëve të Komisionit Shtetëror Zgjedhor (KSHZ), të cilat miratohen në procedurë të shkurtuar.
Për shkak të mungesës së kuorumit, kryetari i Kuvendit Talat Xhaferi seancën e anuloi për në orën 15. Njëkohësisht, u bëri thirrje koordinatorëve që t’i thërrasin deputetët që të sigurojnë prani për kuorum të punës.
Në seancë nuk marrin pjesë deputetët e opozitës, të cilët u prononcuan se nuk pajtohen me ndryshimet e propozuara sepse sillen pa konsultime dhe pa përkrahjen e tyre dhe në seancën e djeshme kërkuan që pika të largohet nga rendi i ditës.
Nga grupi i deputetëve të LSDM-së, porositën se ndryshimet sillen për shkak të bllokadës së VMRO-DPMNE-së, e cila, thonë, nuk dëshiron referendum, ndërsa dhjetë vjet më parë thonin se ky është mjeti më i lartë demokratik për sqarim të çështjes së emrit.
Qeveria dje propozoi ndryshime në Kodin Zgjedhor, në procedurë të shkurtuar me të cilat kërkohet që KSHZ të zgjidhet me 61 deputetë, në vend se me shumicë prej dy të tretave dhe shlyerjen e qëndrimit me të cilin parashihet që Komisioni për çështje të zgjedhjeve dhe emërimeve ta shoh propozim-ligjin. Ndryshimet janë propozuar me flamur evropian. Pushteti, siç u potencua, dëshiron që të tejkalohet bllokada e procesit për zgjedhjen e anëtarëve të KSHZ-së nga ana e VMRO-DPMNE-së opozitare.
Propozim-ligji për ndryshime dhe plotësime të Kodit Zgjedhor është propozuar si pikë e 12-të e rendit të ditës në seancën e 53-të.
(MIA)
