Sindikata e Pavarur e Policisë (SPP) kërkon ndryshim urgjent të orarit të ri të punës prej shtatë orëve në stacione policore në territorin e SPB-Shkup. Sipas tyre, mënyra e këtillë e punës është tejet joproduktive, joligjore dhe e dëmshme si për të punësuarit ashtu edhe për qytetarët dhe kërkojnë të kthehen turnet e vjetra prej 12 orëve.
“Mënyra e re e realizuar e organizimit të turneve paraqet problem i madh për të punësuarit për shkak se nga udhëheqësit-komandantët, shefat nuk respektohen neni 128, paragrafi 5 dhe neni 134 nga Ligji për marrëdhënie pune dhe neni 105 nga Marrëveshja kolektive e MPB-së”, tha zëdhënësi i SPP-së Dejan Sazdov. Shtoi se tanimë është krijuar pakënaqësi e madhe tek të punësuarit dhe se këto gjëra kontribuojnë për rënie të moralit dhe dëshirës për punë të policisë.
Sazdov deklaroi se me qëllim të tejkalimit të problemeve kërkojnë takim të shpejtë dhe urgjent me shefin e SPB-Shkup Toni Jakimovski në të cilin do të propozojnë zgjidhje për tejkalimin e problemeve. (MIA)
