Ministria e Punës dhe Politikës Sociale sot kumtoi se është e njohur me rastin për foshnjën 11-muajshe e cila është kafshuar në kopshtin e fëmijëve Rade Jovçevski Korçagin, dhe po punon në zbardhjen e rastit. Nga Ministria nuk përjashtojnë mundësinë për procedurë disiplinore nëse ekzistojnë elemente për kundërvajtje të tillë.
“Sektori për mbikëqyrje inspektuese për mbrojtje të fëmijëve tashmë është në terren dhe po punon në zbardhjen e rastit, përkatësisht për atë se si u shkaktua lëndimi i fëmijës dhe nëse ekziston dyshimi në pajtim me Ligjin do të ngrihet procedurë për përcaktimin e kundërvajtjes disiplinore”, theksojnë nga MPPS.
Njëherit, nga Ministria sqarojnë se për shkak të numrit të pakësuar të fëmijëve në institucionet publike për fëmijë – kopshte të fëmijëve, në periudhën verore është praktikë shumëvjeçare që fëmijë të grupeve të ndryshme, në përputhje me moshën, të bashkohen në një grup më të vogël, por kjo, theksojnë, nuk nënkupton rritjen e numrit të fëmijëve nëpër grupe. (MIA)
