Ministri alternativ i Punëve të Jashtme i Greqisë, Jorgos Katrugalos, në një intervistë për radion greke “Njuz247” shprehu bindje se Marrëveshja nga Prespa pa asnjë problem do të kalojë në Kuvendin grek.
Ai më pas tha se shpreson se Kamenos nuk do të jetë arsyeja që qeveria të përfundojë mandatin më herët se sa parashikohej, gjegjësisht para shtatorit 2019.
“Marrëveshja sido që të jetë do të kalojë në Kuvend. Do të ketë shumicë më të madhe nga ajo që ne kemi në këtë moment si qeveri dhe dua të shpresoj se ministri i Mbrojtjes Kombëtare do të mbajë atë që e ka deklaruar, se qeveria ka afat deri në vitin 2019″, tha shefi alternativ i diplomacisë greke.
Katrugalos në intervistën iu referua deklaratës të zëdhënësit të qeverisë Sanakopulos se Kushtetuta greke nuk parasheh shumicë të rritur për çështjen konkrete, siç kërkon Kamenos, por tha se kur të vijë koha do të shqyrtohet kërkesa”, raportoi korrespondentja e MIA-s nga Athina.
(MIA)
