Konventa ndërkombëtare për Bashkimin Evropian në RM sot do ta mbajë Sesionin e dytë të Grupit të punës 3 – Gjyqësori dhe të drejtat themelore (Kapitulli 23) me temë “mekanizmat për luftë efektive kundër korrupsionit”.
Në debat pritet të kyçen përfaqësues të institucioneve relevante, përfaqësues të mjedisit akademik, sektori civil, shoqatat ndërkombëtare dhe ekspertë të interesuar. Është paralajmëruar prezenca e ministres së Drejtësisë Renata Deskoska, ambasadori Muhamed Halili dhe Petar Kovarik nga Kabineti i kryetarit të Qeverisë së Republikës së Sllovakisë.
Pjesëmarrësit në debat do të flasin për tejkalimin e këtij problemi përmes praktikave në luftën kundër korrupsionit dhe do t’i shqyrtojnë masat e mundshme efektive të lidhura me legjislacionin, institucionet dhe kontekstin më të gjerë kulturor.
NKEU-MK paraqet platformë, e cila jep mundësi të përfshihen ekspertë nga më shumë fusha dhe përmes debateve ndihmon në përshpejtimin e procesit eurointegrues të shteteve kandidate për inkuadrim në Union.
(MIA)
